കൈ​ക​ളി​ല്ലാ​ത്ത​ത് ജി​ലു​മോ​ൾ​ക്കൊ​രു കു​റ​വ​ല്ല! കാ​ലു​ക​ൾ​കൊ​ണ്ട് കാ​റു​മോ​ടി​ക്കും; കംപ്യൂട്ടര്‍ ജോലികളും ചെയ്യും; പക്ഷേ…

ചെ​റ​തോ​ണി: ഇ​രു​കൈ​ക​ളും പൂ​ർ​ണ​മാ​യും ഇ​ല്ലാ​തെ ജ​നി​ച്ച ജി​ലു​മോ​ൾ മ​രി​യ​റ്റ് തോ​മ​സ് സാ​ന്ത്വ​ന സ്പ​ർ​ശം പ​രി​പാ​ടി​യി​ലെ​ത്തി​യ​ത് തൊ​ഴി​ല​ന്വേ​ഷ​ക​യാ​യാ​ണ്.

എ​റ​ണാ​കു​ള​ത്ത് സ്വ​കാ​ര്യ സ്ഥാ​പ​ന​ത്തി​ൽ ഗ്രാ​ഫി​ക് ഡി​സൈ​ന​റാ​യി ജോ​ലി​ചെ​യ്തി​രു​ന്ന ജി​ലു​വി​ന് കോ​വി​ഡ് പ്ര​തി​സ​ന്ധി​യി​ൽ ജോ​ലി ന​ഷ്ട​മാ​യി.

ജീ​വി​ത പ്ര​തി​സ​ന്ധി​ക്കൊ​രു പ​രി​ഹാ​രം തേ​ടി​യാ​ണ് ഇ​ന്ന​ലെ യു​വ​തി സാ​ന്ത്വ​ന സ്പ​ർ​ശം പ​രി​പാ​ടി​യി​ൽ എ​ത്തി​യ​ത്.

മ​ഹാ​ത്മാ ഗാ​ന്ധി യൂ​ണി​വേ​ഴ്സി​റ്റി​യി​ൽ​നി​ന്നും ബി​എ ആ​നി​മേ​ഷ​ൻ ആ​ൻ​ഡ് ഗ്രാ​ഫി​ക്സ്് ഉ​യ​ർ​ന്ന നി​ല​യി​ൽ പാ​സാ​യി.

ശാ​രീ​രി​ക പ​രി​മി​തി​ക​ൾ നി​ര​വ​ധി​യാ​ണെ​ങ്കി​ലും ജീ​വി​ത​ത്തെ ധൈ​ര്യ​പൂ​ർ​വം നേ​രി​ടു​ക​യാ​ണ് ജി​ലു​മോ​ൾ. ഇ​രു​കൈ​ക​ളും ഇ​ല്ലാ​ത്ത ജി​ലു കാ​ലു​ക​ൾ​കൊ​ണ്ട് എ​ല്ലാ​ക്കാ​ര്യ​ങ്ങ​ളും വ​ള​രെ കൃ​ത്യ​ത​യോ​ടെ ചെ​യ്യും.

സ്വ​ന്ത​മാ​യി കാ​റോ​ടി​ക്കാ​നും ക​ന്പ്യൂ​ട്ട​ർ ജോ​ലി​ക​ൾ എ​ല്ലാം ചെ​യ്യാ​നും നി​ഷ്പ്ര​യാ​സം സാ​ധി​ക്കും.

ക​രി​മ​ണ്ണൂ​ർ ഏ​ഴു​മു​ട്ടം നെ​ല്ലാ​നി​ക്കാ​ട്ട് തോ​മ​സി​ന്‍റെ മ​ക​ളാ​ണ് ജി​ലു. തോ​മ​സ് ഏ​റെ​നാ​ളാ​യി ഹൃ​ദ​യ​സം​ബ​ന്ധ​മാ​യ അ​സു​ഖ​ത്തി​ന് ചി​കി​ത്സ​യി​ലാ​ണ്.

ജി​ലു​വി​ന്‍റെ മാ​താ​വ് ചെ​റു​പ്പ​ത്തി​ലേ മ​ര​ണ​മ​ട​ഞ്ഞു. വാ​ട​ക​വീ​ട്ടി​ൽ ക​ഴി​യു​ന്ന ജി​ലു​വി​ന് ജോ​ലി ന​ഷ്ട​പ്പെ​ട്ട​തോ​ടെ ജീ​വി​തം ഇ​രു​ള​ട​ഞ്ഞ​താ​യി മാ​റി.

അ​ദാ​ല​ത്തി​ൽ ജി​ലു മ​രി​യ​റ്റി​ന്‍റെ ആ​വ​ശ്യം ശ്ര​ദ്ധാ​പൂ​ർ​വം കേ​ട്ട വൈ​ദ്യു​ത മ​ന്ത്രി എം.​എം. മ​ണി ജോ​ലി ന​ൽ​കു​ന്ന കാ​ര്യം പ​രി​ഗ​ണി​ക്ക​ണ​മെ​ന്ന് ആ​വ​ശ്യ​പ്പെ​ട്ട് മു​ഖ്യ​മ​ന്ത്രി​ക്ക് നി​വേ​ദ​നം കൈ​മാ​റാ​ൻ നി​ർ​ദേ​ശി​ച്ചാ​ണ് മ​ട​ക്കി​യ​യ​ച്ച​ത്.